مسمن بالشحمة مورق فالفرن

المقادير

العجين

نصف زلافة فينو

زلافة فورص

ملعقة سكر سنيدة

نصف ملعقة ص خميرة الحلوى

راس ملعقة خميرة الخبز

قبصة ملح

ماء للعجن

الحشوة

فلفل حلو مقطع

قليل من الفلفل الحار

بصلة مشلظة

شحمة مقطعة صغييرة

ربيع مقطع

توابل 

يمكن اضافة الزيتون حسب الرغبة

الطريقة

تجمع مكونات العجين و تدلك جييدا حتى تولي كطرطق بين اديك

ثم نشكل كريات متساوية و ندهنوهم بالزيت و نغطوهم ببلاستيك نخلوهم يرتاحو .

ثم نمر لتحضير الحشوة 

في مقلاة نديرو البصلة مع شوية الزيت و ملح و نخلوها تشحر حتى تهبط نزيد الفلفل و التوابل وتحميرة نخلي الكل يتشحر نضيف الشحمة و الربيع و نخلي كلشي يتشحر مزيااااان .

نترك الحشوة على جنب تبرد مزياااان باش ما تقطعش لينا العجين 

و نبدا نمدد كرية من العجين بالزيت و الزبدة و نورقها مزيان نعمر المسمنة ديالي و نطريها بحال طريقة العادية ديال المسمن و ناخد كرية ثانية نورقها بنفس الطريقة و ندير شوية الحشوة ما نكثرش و ندير المسمنة الاولى لي كنت وجدت وسطها و نطوي من جديد و نكرر نفس العملية تقدري توصلي حتى ل 5 ولا 6 رفيفات و تحبسي و تعاودي مسمنة اخرى.

نسخنو الفران بين ما يرتاحو مسيمنات نكرصوهم و نوضعوهم فصينية الفرن و نخليوهم يطيبو . وفاش يوجدو قطعيهم مربعات و قدميهم.

بالصحة و الراحة

Share on Google Plus

About ام الاطفال

This is a short description in the author block about the author. You edit it by entering text in the "Biographical Info" field in the user admin panel.