وصفة الاخت نعيمة ابراهيم
المقادير
كنشد الكفتة ونديرلها
الربيع مقطع + العطرية+ الملح + كيتشوب حار اختياري + موطارد +ثومة محكوكة
+شووووية بصلة محكوكة , وكنخليها على جنب .
* كنقطع خيزو والكورجيت والبصلة على شكل خيوط وكندير معاهم ثومة +ربيع
بلامنقطعو +الزيت + الملح + ابزار وتحميرة +لب حامض مصير
كنديرهم فمقلة كنشحرهم شوية ونطفي عليهم .
نصلق البيض على حساب اللي بغيتي .
* كندهن البلاصة اللي غنفرش فيها الكفتة باش ما تلصق وكنيتف عليها الخضرة
والبيض كيما هو مبين فالصورة . كنحاول نلوي الكفتة على الحشوة ونسدها مزيان
باش
ما تنحل مللي طيب . انا درتها فبلاستيك غذائي ودرتها فالكسكاس حتى شدات الكفتة
روحها مزيان هاد المرحلة نسيت ما صورتها.
* كنوجد الصوص المرافقة لهاد الرولي فيه
بصلة مشلضة+ مطيشة مشلضة+ ثومة محكوكة+ العطرية +شوية مطيشة دالحك+
الملح
كنخليها حتى طيب مزيان وكنزل فيها ديك الكفتة باش تتنسم بنكهة الصوص واخر
كنخليها حتى طيب مزيان وكنزل فيها ديك الكفتة باش تتنسم بنكهة الصوص واخر
مرحلة كندخلها للفران او نقليها فشوية الزيت باش تتحمر ومباشرة وهي سخونة كنرش
عليها فروماج محكوك .
اخر مرحلة كنخليها حتى تبرد شوية باش مللي تبداي تقطعيها ما تتفرتت ليك . وطريقة
التقديم على ذوق كل وحدة .
والصور كتبين المراحل دالتحضير
0 commentaires:
Enregistrer un commentaire