فطيرة لحم مفروم و فطيرة جبنة و زعتر

مقادير العجينة 

بحط 

3 كاسات طحين 

ربع كوب زيت نباتي

معلقة ك سكر 

معلقة ك ملح

معلقتين ك حليب ناشف 

معلقة ك خميرة 

وماء دافي للعجن حسب الحاجة 

بتخلطيهم كلهم سوا وبتعجني العجينة منيح لتتماسك معك 

وبتخليها في مكان دافي ل تخمر تقريبا بدها ساعة بعدين بس تخمر 

بتقطعيها لقرصين كبار وبتخليها ترتاح 5 دقائق قبل لتشتغلي فيها 

بعدين جبت الصينية التيفال اللي عندي على شكل مستطيل

 ودهنتها بشوية زيت بالفرشاة بعدين بتفردي العجينة فيها وبتخليها 

اسمك شوي عالطراف بعدين بتحطي فيها حشوة اللحمة ...اللي 

هي بصلة كبيرة مفرومة عالنار مع شوية زيت زيتون بس بلشت 

تذبل حطيت عليها اللحمة المفرومة وشوحتها بس بلشت تتنشف

 حطيت رشة ملح وفلفل اسود ورشة بهارات مشكلة بعدين حطيت 

شرحة من الفلفل الأخضر والأحمر البارد وهون حسب الرغبة يا 

حامي يا بارد وفرمتهم فرم ناعم وحطيته عاللحمة وخليتهم شوي 

وطفيت عليهم النار وبدخليهم على فرن حامي على درجة 250 بس 

تحسي تحمرت العجينة من تحت ارفعيها فورا وحمريها من فوق

 لتتحمر اطراف العجينة ممكن تدهنيها بحليب سائل لتتحمر منيح 

....أما الجبنة نفس الطريقة بس هي جبنة بيضا نابلسية اللي بتكون

على شكل مكعبات برشتها برش وحطيت عليها الزعتر الاخضر 

الورق 

وحركتهم سوا و حطيتهم فوق العجينة و نفس طريقة الخبز بالظبط

 

صحتين و عافية

Share on Google Plus

About ام الاطفال

This is a short description in the author block about the author. You edit it by entering text in the "Biographical Info" field in the user admin panel.